Shillong, Naitung 11 : Ka Dorbar Shnong Nongrim Hills, Shillong ha ka 11tarik mynta u bnai ka la shim ïa ka rai ban pyrshang pynïaid thymmai ïa ki kali sha ki bynta ka Upper Nongrim Hills bad baroh ki kali kiba leit sha Nongrim Hills lyngba ka Bethany Hospital – NEC – ter ter sha Rynjah kum ka lynti One Way.
Katkum ka kyrwoh ba la phah da u General Secretary, Bah Kitborlang Kharmawphlang bad Bah Anu Nongbet, Assistant Rangbah Shnong la pyntip ba ka jingpynïaid kali na Rynjah ban rung sha Nongrim Hills lyngba ka lad Nongrim Hills ba don ATM, kaban mih sha Jingkieng kum ka One Way bad sha ka thaiñ Fire Bridage kum ka One way.
