Pynbna paidbah ïa ki jingdonkam na ka bynta ka Jingïaseng Ri Bhoi Presbyterian synod ha Pahamsyiem
![](https://mawphor.com/wp-content/uploads/2022/07/mawphor-1.jpg)
Nongpoh, Lber 10: Ka Balang Presbyterian Nongpoh, Ri Bhoi Shatei Presbytery bad ka District 12 Lyngdoh shatei ka khot bad wer sngewbha ïa baroh sha ka jingïaseng Ri Bhoi Presbyterian Synod bad ka Jingrakhe ïa ka Jubilee kaba 25 (Silver Jubilee), ka ban long ha ka 15 th haduh 19th Lber 2023.
Na ka bynta ka jingbit jingbiang ka leit ka wan ban poi sha ka jaka long Jingïaseng ka Reception ka Ri Bhoi Shatei Presbytery ka la pynbna paidbah ïa ki katto katne ki jingpynbna ban ïaid beit ïaid ryntih ka jingïaseng synod.
La pyntip ba ka jaka pynlong jingaiseng kin long ha ki ar tylli ki jaka, kata ha ka 15th Tarik haduh 18th Tarik kan long ha Ingmane Balang Presbyterian Nongpoh, kaba don ha syndah jong ka Ri Bhoi Presbyterian Synod Higher Secndary School, Nongpoh. Katba ha ka 19th Lber 2023 (Sngi U Trai) kan long ha Madan NSCA Pahamsyiem. Ka Reception kan long ha Madan Skul Ri Bhoi Presbyterian Synod Hr. Sec. School, Nongpoh.
Na ka bynta ka jingpynbeit ïa ki jaka ieng kali paidbah ki kynthup ïa baroh ar linag ki Service Road jong ka NHAI, Madan Shnong Iew Mawlong, St. Paul Hr. Sec. School Campus, Mawroh, Ri Bhoi College Campus, Mawdiangum, Jaka I Dr. D.D. Lapang hajan Ingmane Balang Presbyterian Nongpoh, Nomiwell School Campus, Sajer, Jaka Syndah jong ka NSCA, Jaka jong ki Kur Phawa Pyrshah ïa ka Canara Bank Nongpoh.
La pyntip ruh haor ka jingpynbeit ïa ka rukom pynieng kali ki kynthup ïa kito kiba wan na Thain Umroi, Mawhati, Umsning bad kiwei kiwei ki jaka kiba na shaneng kin pynieng ha Ri Bhoi College Campus bad ha ka Service Road naduh Ri Bhoi College, kiba wan na ki thain Umden, Umsawnongbri, Marngar kin Pynieng sha ka jaka I Dr. D.D. Lapang bad sha Madan Iew Mawlong, kiba wan na ki thain Nongkhrah kin pynieng ha Madan St. Paul Hr. Sec. School, Nopngpoh, ki ba wan na ki thain Umling ter ter kin pynieng ha Service Road jong baroh arliang naduh na Police Point Nongpoh Gate bad Madan School Nomiwell Sajer bad na ka bynta ki VIP kin pynieng ha syndah ka NSCA Stadium.
Kumta, na ka liang ka Ka Balang Presbyterian Nongpoh, Ri Bhoi Shatei Presbytery bad ka District 12 Lyngdoh shatei ki khmih lynti ïa ka jingïatreilang ki paidbah riewngeit ryngkat bad ki jingpynbeit jong ka Reception Committee jong ka Ri Bhoi Shatei Presbytery ban ïaid beit ïaid ryntih kane ka jingïaseng Synod.