Shillong, Naiwieng, 13: Ka State Election Committtee jong ka Voice of the People Party ba la khlieh da u Chairman u Dr. Kara H. Shen bda u Secretary u Dr. Londoner ha ka 13 tarik u Naiwieng, 2024 ka la pynbna paidbah ïa ka thup kyrteng jong ki kyrtong ki ban aireng ha ka elekshon MDC na Khasi Hills Autonomous District Council bad na Jaiñtia Hills Autonomous District Council ka ban sa long.
Ha ka jingpyllait ïa ka kyrteng, ki kyrtong ki ban ïakhun na Khasi Hills Autonomous District Council ki long 27 ngut bad 24 ngut na Jaiñtia Hills Autonomous District Council.
Ki kyrtong kiba ka VPP ka la itbit ban pynïakhun ha ka elekshon ki kynthup ïa ki nonghikai skul bad kolej, ki nongthoh kotkhubor, ki nongtrei mon sngewbha bad kiwei kiwei.
Ka party ka shaniah ba kine ki kyrtong ba la pynbna paidbah kin shakri na ka bynta ka bha ka miat jong ki paidbah ha ki constituency ki jong ki bad ba kin noh ïa u synniang u bynhei sha u sup u thiar ba la party ka la buh thong, kata, ban pynthymmai, ban pynneh bad ban pynkylla dur ïa ka jylla Meghalaya.
