Pynbna ka ophis jong u District Planning Officer, EJHD ïa ka jingthep kyrteng ki briew ba donsap

Khliehriat jymmang 26: Ka ophis jong u District Planning Officer, East Jaiñtia Hills District, ka pyntip ba ka tnat Directorate of Arts and Culture, ong ka jylla Meghalaya ka pyntip sha ki riew don sap, ba ka tnat ka dang pynlong mynta ïa ka jingthep kyrteng (Registration Drive) ban thep kyrteng ha ka Culture Institutions bad ha ki Cultural Organizations bad ka tnat Directorate.
La bthah ba ïa ki Forms ki lah ban pynpoi da ki Hard Copy lem bad ki kot ba donkam kumba la dep bthah ha ka Guidelines ba la phah sha ka tnat Directorate of Arts & Culture (District Librarian, Department of Arts & Culture).
Katkum ka Guidelines, la bthah ba ki nongthep kyrteng (applicant) ki dei ban long ki nongshong shnong ba pura jong ka ri India, lem bad ki kot ba donkam kumba la dep bthah lyngba ki Waheh Shnong, Panchayat/ Autonomous Council/ Art personality/ District Administration/ State Government, dei ruh ban phah lang ïa ka Bio- Data kaba batai bniah, ki dei ruh ban ai lang bad ka attested copy jong ka Bank account details/ Ration card/ PAN card/ Voter’s ID lane ka dur shiteng ban pynshisha ïa ka jaka sah, kumjuh ruh ka VCD/ DVD/CD/ dei ban pynpoi lang bad ka application form. Ka por jong ka recording kan dei 20 minit.
Shuh shuh la bthah ruh ba lada ki nong aplai ki dei na kino kino ki kynhun, dei ban rah bad pynpoi lang ïa ka syrnot bad ki Producer ki dei ban ithuh ïa ka tnat ha kaba iadei bad ki jingsiew bad kiwei kiwei ki kam ba donkam kiba iadei bad ka project, ka bai thep kyrteng (Registration fee) ka long T 100 tyngka bad dei ban thep lyngba ka Bank Draft ha ka kyrteng jong ka tnat Director, Arts and Culture.
Kino kino kiba don jingmut, ki lah ban iakynduh ïa u bah P.D Lyngdoh, Instructor, Directorate of Arts and Culture, Shillong ha ka por long trei.