Pynbna ka Mumbai City FC ïa ka thup kyrteng na bynta ka samoi 2023-24

Mumbai, Nailur 23: Hashuwa ban jam sha ka samoi lehkai 2023-24 jong ka lympung Indian Super League, ka Mumbai City F, ka lahduh jong ka samoi ba ladep ka la ïoh ban pynbna ïa ka thup kyrteng jong ki 27-ki player jong ka kynhun.
Ka kynhun kaba la lamkhmat da u Des Buckingham ka la pynkhihwin ïa ka samoi ba ladep jong ka ISL, da kaba pynkheiñ haduh 17 tylli ki rekod jong kane ka lympung, shuwa ba kan ïohrah ïa ka trophy ha kaba ar sien lynter na ki 18 sien ïakhun, bad dang sah sa ar wat ban ïalehkai.
Kane ka kynhun ka la phaikhmat mynta ka samoi jong ka ISL ban leh ïa kaei kaba ym pat shym la don kano kano ka klob kiba la lah ban pyndep – bad kata ka long ban ïada ïa ka burom na ka jingshahknieh.
Haba phai sha ka samoi ba ladep, ïa ka nam ISL Player of the Season bad ka khusnam AIFF Men’s Player of the Year, la khur da u Lallianzuala Chhangte, bad ha kane ka kynti i kumba kane ka kynhun ka dangkwah ban pyntyllun biang ïa kaei kaba ka ladep ban ïoh khur’ kumba la paw ïa ka jingkhlaiñbor jong ka klob kaba don ruh ïa u Jorge Pereyra Díaz, Bipin Singh bad u Vikram Partap Singh ha ki bynta ba shakhmat.
Hadien ba ka la jop haduh ar sien kynthih ïa ka burom jong ka ISL Shield, u Greg Stewart u don mynta ïa ka jingthrang ban kyntiew ïa ka burom sa ha ka sien ba lai ban pynsahnam ïa ka klob.
Ka jingdon jong ka Mumbai City ïa u Phurba Lachenpa, Rahul Bheke, Rostyn Griffiths, Mehtab Singh bad u Apuia, ka long kaba kongsan na bynta ka kynhun namar ki long ka jingkyrshan kaba skhem ban pynkhlaiñ ïa kane ka kynhun kaba la ïalam da u Des Buckingham.
Mynta ka kynti ki la don kumba phra ngut ki player ba thymmai jong ka klob kiba kynthup ïa u – Akash Mishra, Tiri, Yoëll van Nieff, Abdenasser El Khayati, Jayesh Rane, Seilenthang Lotjem, Franklin Nazareth bad u Nathan Rodrigues – kiba la pynïasoh bad ka klob ha ka aïom lyuir ban mad ha ka sien ba nyngkong ïa ka ISL ryngkat bad ka Mumbai City FC.
Ka thup kyrteng jong ki player ka long kumne harum:
Goalkeepers: Phurba Lachenpa, Mohammad Nawaz, Bhaskar Roy, Ahan Prakash
Defenders: Rahul Bheke, Valpuia, Tiri, Mehtab Singh, Sanjeev Stalin, Rostyn Griffiths, Nathan Rodrigues, Akash Mishra, Halen Nongtdu
Midfielders: Yoëll van Nieff, Vinit Rai, Jayesh Rane, Apuia Ralte, Franklin Nazareth
Forwards: Vikram Partap Singh, Lallianzuala Chhangte, Gurkirat Singh, Seilenthang Lotjem, Abdenasser El Khayati, Greg Stewart, Ayush Chhikara, Bipin Singh, Jorge Pereryra Diaz