Shillong, Naiwieng 03: Ka Meghalaya Cricket Association ha ka sngi Nyngkong ka la pynbna ïa ki kyrteng jong ki nongïalehkai ki ban mihkhmat ïa ka jylla ha ka BCCI’s U-23 men’s State A Trophy 2025-26, kaba dei ka lympung ïalehkai one day.
ïa mynta, kane ka kynhun ïalehkai kriket U-23 ki shynrang jong ka Meghalaya ka dang don bynta ha ka lympung ïalehkai ba bun sngi lane multi-day jong ka Col CK Nayudu Trophy, bad katto katne ngut ki rangïalehkai kiba ïalehkai ha kane ka lympung kaba dang ïaid shakhmat ki la shah kynthup ha ka kynhun ka ban ïakhun ha ka lympung ïalehkai one day ka ban wan.
ïa kane ka kynhun kaba don 15-ngut ki rangïalehkai yn long kapten da u Manish Sharma, ha kaba u Josiah Momin un ïa kit ïa bah lem kum u symbud kapten.
Mynta ka kynti, ka kynhun Meghalaya ka don ha kajuh ka plate group ryngkat bad ka Manipur, Mizoram, Nagaland, Arunachal Pradesh bad ka Sikkim. ïa ki jingïalehkai yn pynlong ha ki jaka bapher bapher ha Punjab.
Ka kynhun kan mih ban leit sha Punjab ha ka 06 tarik Naiwieng. Ki rangïalehkai bad ki support staff kiba dang don mynta ha Tura na ka bynta ka prokram kilanmet kin hap ban leit beit beit sha Kad liengsuiñ ha Guwahati (airport) ha ka 06 tarik Naiwieng bad ki rangïalehkai lem bad ki support staff na Shillong kiba shim bynta ha ka Col CK Nayudu Trophy pyrshah ïa ka Goa kin hap ban leit ha kajuh ka sngi.
Ka jingïalehkai kaba nyngkong jong ka Meghalaya kan long pyrshah ïa ka Sikkim ha ka 09 tarik Naiwieng.
Ki nongïalehkai ki kynthup ia u –
Avinash Rai, Chandra Bahadur Thapa, Sachin Kumar, Pushkar Raj Singh, Dipankar Baruah, Josiah Momin (VC), Asif Khan, Manish Sharma (C), Rohit Yadav, Shavian Blah, PM Santhosh, Thunun Marak, Denikcheng Marak, Gulgul Sangma, Gavineal Marpna
Standby: Sudhir Sahani, Salchang Sangma, Dairo Marak, Raghav Magotra, Charm Marbaniang
Support staff: Neetesh Sharma (head coach), Shiva R Sangma (assistant coach), Emidao Dhar (physio), Skhembor Khongbtep (trainer), Wonderful E Pakyntein (manager)