Shillong, Risaw 18: Ka Meghalaya Cricket Association hynne ka sngi ka la pynbna ïa ka thup kyrteng jong ki 15-ngut ki player bad lai ngut ki standbys ki ban leit aireng sha ka lympung ïakhun jong ka BCCI’s Women’s U-19 T20 Trophy.
Ki thei ïalehkai kiba la shah jied ha kane ka kynti ki dei kito kiba la mihkhmat ïa ka jylla dang shen ha ka Women’s U-19 One Day Trophy jong ka BCCI, bad tang katto katne ngut eh kiba la shah weng.
Mynta u snem, ka kynhun ki thei ka Meghalaya ka la haplang ha kajuh ka thup bad ka Chandigarh, Sikkim, Baroda, Andhra Pradesh bad ka Kerala, ki thei ban mihkhmat ïa ka jylla kin sdang ban aireng hapdeng ka 2 bad 9 tarik Naiwieng ha Mumbai.
Shuh shuh, na ka liang jong ka kynhun ka la pyntip ba ka jingpynkhreh ban kilanmet na bynta kane ka lympung kan sdang naduh 21 tarik Risaw ka ban ïaid haduh 29 tarik u Risaw, ha Mendipathar.
Ka kynhun, lait noh ki player ba shahjied ha ka standbys, kin mih na jylla ban leit sha Mumbai ha ka 30 tarik u Risaw.
ïa kane ka kynhun yn ïalam da u Ranjana Yadav kum u head coach, ryngkat bad ka Marty Mustafa kum ka assistant coach.
Ki kyrteng jong ki player ba la shah jied ban mihkhmat ïa ka jylla ki long: Jaylynn R Marak, Janicka R Marak, Ankita Sharma, Emisakani Warjri, Marme M Sangma, Sistilin Ryntathiang, Julitha Sangma, Shreya Marak, Dawanshisha Warlarpih, Abiezer Kharsyiem, Awesa G Momin, Kambesa Agitok Sangma, Jayshree Singh, Dubleen D Nengnong, Banrikmen Lyngdoh Tongkhar
Standbys: Rikmanchi M Sangma, Dianchidora N Sangma, Monica Singh
Support staff: Ranjana Yadav (head coach), Marty Mustafa (assistant coach), Helyna D Sangma (trainer), Lucky Mary Marbaniang (physio), Daniel Dan (physio)
