Shillong, Nailar 08: Ka Meghalaya Cricket Association, lyngba ka komiti jied (ad hoc selection committee), ka la pynbna ïa ka thup kyrteng ki 25 ngut ki player ka kynhun U-19 na bynta ka lympung samoi lehkai jong ka BCCI 2024-25.
Kane ka jingjied player ka long katkum ka jinglah lehkai bha ki player ha ki lympung ba la ithuh da ka BCCI jong ka samoi 2023-24 bad ka MCA ka la pynlong ruh ïa ki jingïalehkai ban jied player dang shen ha Jagiroad, Assam.
Ka kynhun ïalehkai U-19 jong ki shynrang kan sa don bynta ha ar tylli ki lympung ba paw -ka Vinoo Mankad Trophy (one day) bad ka Cooch Behar Trophy (multi-day). Ha ka samoi 2023-24, ka Cooch Behar Trophy ka dei kawei na ki lympung ba la sakhi ïa ka jingseisoh ka kynhun; ha kaba ka kynhun Meghalaya ka la ïohrung sha ka final na ka Plate Group, bad pynkut ïa ka samoi ha ka kyrdan ba ar.
Mynta ka samoi, ka Vinoo Mankad Trophy la pynbeit ban sdang ha u Risaw, nangta ban bud sa ka Cooch Behar Trophy ha u Naiwieng bad Nohprah.
Ka MCA kan pynlong ïa ki jingïalehkai jied kum ka jingpynkhreh shuwa ban sdang ka lympung U-19 shibnai shuwa ka tarik ban sdang, ïa mynta, na ka liang ka synjuk ka la ai jingmut ïa ki player ba kin phikir bha ïa ka koit ka khiah haba kilanmet bad ban pyntip sha ka MCA ha kaba ïadei bad ka jingpynkhreh.
Ki kyrteng jong ki player ka MCA U-19 na bynta ka samoi 2024-25:
Gaurav Jyoti Thakuria, Rohit Sharma, Angkit Tamang, Pushkar Raj Singh, Chengsrang S Marak, Rudra Singh Rathor, Grish Raj Ray, Gaurav Narleng, Manthan Gupta, Jhon Venny, Nangkhamkhraw Pathaw, Bikash Yadav, Kshitij Singhania, Aashish K Lohar, Ashish Prasad, Dipankar Barua, Salchang Sangma, Shavian Blah, Apandanka R Marak, Kishlay Vishlux, Dipayan Nandi, Manthan Dey, Shubham Rasaily, Jarrett M Wanniang, Heiyomiki Ryngkhlem.
