Pynbna ka Lajong ïa ka kynhun kaba don 29-ngut na ka bynta ka IFL 2025-26

Shillong, Rymphang 27: Ka Shillong Lajong FC ka la pynbna ïa ka thup kyrteng kaba 29 ngut ki nongïalehkai jong ka kynhun ka ban ïakhun ïa ka Indian Football League 2025-26, kaba dei ka lympung I-League ba la pynkylla kyrteng thymmai.
Ka Lajong kan sdang ïa ka jingïalehkai ba nyngkong mynta ka sngi U Blei (01 tarik Lber) pyrshah ïa ka Rajasthan United FC. Kane ka jingïalehkai kan long ha SSA Stadium, ha ka por 6:30 baje janmiet.
Na ka bynta ki tiket la sdang ban die naduh hynne ka sngi Saitjaiñ, bad lah ban ïoh na The Electronic Centre ha Police Bazaar, Cafe Shillong ha Laitumkhrah bad na jaka die tiket ha SSA Stadium ha Polo.
Mynta ka samoi ïa ka kynhun yn long kapten da u Kenstar Kharshong, hapoh ka jingïalam jong u Birendra Thapa kum u coach.
Katkum ka thup prokram ba la pynbna da ka AIFF, ka IFL 2025-26 kan treikam da ka rukom lehkai Two-stage format. Ha ka Stage 1, ki 10 tylli ki kynhun kin ïakynduh pyrshah kawei ïa kawei tang mar shi sien (single-leg) la ka long shabar ne hala ïing. Nangta ha ka Stage 2, ki san tylli ki kynhun kiba pyndep ha khlieh duh kin ïakhun ha ka Championship Round katba ki san tylli kiwei pat kiba bud nadien kin hap ban ïakhun ïa ka Relegation Round.
Na ka bynta kane ka samoi ka SLFC kan ïoh ban ïakhun saw tylli ki jingïalehkai hala ïing bad san tylli ki jingïalehkai shabar ban pyndep ïa ka wat ïakhun jong ka Round Robin Stage.

Ka thup kyrteng ka kynhun ïalehkai jong ka Shillong Lajong FC ki long:
Goalkeeper: Siwel Rymbai, Ranit Sarkar, Lakpa Lama, Wanteilang Malngiang
Defender: Kenstar Kharshong, Kitboklang Khyriem, Saveme Tariang, Overkindness L Mawnai, Samuel Muansang, Aman Ahlawat, Rudra Ved, Ephraim Lalremtluanga, Mebanaibok Kharbudnah
Midfielder: Damaitphang Lyngdoh, Gladdy N Kharbuli, Wadajied Kynsai Ryngkhlem, Tremiki Lamurong, Maxderidoff Wahlang, Lamlallian Vaiphei, Abelson Jachi, Bless Vashum, Hamedamanbha Wahlang
Forward: Phrangki Buam, Everbrightson Mylliempdah, Figo Syndai, Jakob Vanlalhlimpuia, Manbhakupar Iawphniaw, Abhay Gurung, Deibormame Tongper

Ka prokram ïalehkai (Round Robin Stage) jong ka Shillong Lajong FC ha kane ka IFL 2025-26.
01 tarik Lber 2026: Shillong Lajong FC pyrshah ïa ka Rajasthan United FC
8-tarik Lber 2026: Shillong Lajong FC pyrshah ïa ka Real Kashmir FC
14-tarik Lber 2026: Shillong Lajong FC pyrshah ïa ka Diamond Harbour FC
19-tarik Lber 2026: Chanmari FC pyrshah ïa ka Shillong Lajong FC
26-tarik Lber 2026: Gokulam Kerala FC pyrshah ïa ka Shillong Lajong FC
01-tarik ïaïong 2026: Sreenidi Deccan FC pyrshah ïa ka Shillong Lajong FC
7-tarik ïaïong 2026: Dempo Sports Club pyrshah ïa ka Shillong Lajong FC
10-tarik ïaïong 2026: Namdhari FC pyrshah ïa ka Shillong Lajong FC
18-tarik ïaïong 2026: Shillong Lajong FC pyrshah ïa ka Aizawl FC