Shillong, Naitung 07: Ka Indian Meteorological Department (IMD) kala pynbna da ka ‘Orange Alert’ ha Meghalaya haduh ka 10 tarik u Naitung.
Kane ka jingpynbna ka long na ka bynta ki paidbah ba kin phikir bha ïalade namar ka lah ban don ka jingther u slap, ka erïong bad ka jingjur ka jingpom pyrthat.
Katkum ka jingbatai ka IMD, ka ‘Orange Alert’ kan long na ka bynta ka East Khasi Hills, South West Khasi Hills, East Jaiñtia Hills, West Jaiñtia Hills, Eastern West Khasi Hills bad West Khasi Hills.
