Shillong Naitung 14: Hadien ba u la jop ïa ka elekshon MP bad kum shibynta na ka jingai burom ïa ki Paidbah kiba la jied ïa u ha ka elekshon MP kaba dang shu dep shen na ka liang u Dr. Ricky AJ Syngkon na ka seng VPP, u la sdang ïa ka jingai khublei naduh ka 12 tarik kaba la long ha Khliehriat bad ha ka 13 tarik ha Mairang.
Shuh shuh u MP Dr Ricky un sa leit ban ai khublei ïa ki paidbah ka Nongstoiñ ha ka 15 tarik mynta u bnai ha ka por 1 baje nohphaisngi.
Katba ha ka thaiñ Shella ka jingïalang kan long ha ka por 1 baje nohphaisngi ha ka 20 tarik mynta u bnai. Ha ka 25 tarik mynta u bnai ka jingïalang kan long ha ka 25 tarik mynta u bnai, bad ha ka 26 tarik mynta u bnai ka jingïalang ai khublei kan long ha ïew Musiang ha ka por 1 baje nohphaisngi katba ha ïew Pynsin kan long ha ka por 1 baje nohphaisngi.
Shuh shuh ka kyrwoh khubor na ka seng ka la ong ba ka jingïalang ai khublei hapoh Patharkhmah kan long ha ka por 1 baje nohphaisngi, katba ha ka 17 tarik mynta u bnai ha Mukaïaw ïa ka por ynsa pyntip da ka VPP, katba ka jingïalang ha Ranikor ka jingïalang kan sdang ha ka por 11 baje mynstep bad ka jingïalang ha Mawsynram kan long ha ka 7 tarik u Nailur ha ka por 11 baje mynstep, bad ha Amlarem kan long ha ka 14 tarik u Nailur bad ïa ka por ynsa pyntip, katba ha Ratacherra ka jingïalang kan long ha ka 21 tarik u Nailur ha ka por 11 baje nohphaisngi bad la khmih lynti ia ki paidbah kiba ju kyrshan ratbah ïa ka VPP ba kin ïamih ryntih ha kitei ki jingïalang ai khublei.
