Pyllait u Pa’iem Phylla Sing Syiem ïa ka kot ba la thoh da ka Professor Dr. A.Kharmalki

Nongstoiñ Nohprash 23: Ka Professor Dr .Antoinette Kharmalki kawei na ki longkmie kab la hikai ha ka skul bah Northeasten Hills University Shlliong ka bad ka dei ruh kawei na ki longkmie kaba sngewtynnad bad minot bha ha ka kam thoh kot ha kaba ka la thoh haduh phra tylli ki kot.Mynta ka kynti pat ka la pyndep ban thoh sa ïa kawei ka kot kaba ka la ai kyrteng “Kaba pyntrei kam ïa ka wadbniah halor ka ktien bad ka Literashor” kaba la khot ha ka ktien Phareng (Reaseaarch Methology in Language and Literature.Ka Dr. Kharmalki ka dei ruh ka kurim jong u bah Garod L.S.N.Dykes uba dei mynta u Deputy Commssioner ka West Khasi Hills District.Ïa katei ka kot la pyllait mynta ka janmiet sngi thohdieng ka 22 tarik Nohprah da u Pa ‘iem Phylla Singh Syiem u Syiem ka hima Nongstoiñ ha Sib Singh Memorial Guest House Upper New Nongstoiñ.Ha shuwa ban pyllait ïa katei ka kot la pynlong ïa ka jingïalang ba lyngkot ha kaba la pynïaid da ka Kong Dr. Ïaisan Mawthoh Principal ka Nongstoiñ College bad la pdiang snewbha ïa kiba la shah khot ha katei ka jingïalang da I Miss Ïakidakmen Kharmalki . Ha kajuh ka por la ïoh ïa ka jing pynshai lyngkot halor ki mat ba kongsan ba ka Dr.Kharmalki ka la thoh ha katei ka kot da I Miss Balarisha Nongkynrih Asst Professor Shillong College .I Miss Balarisha haba pynshai halor katei ka kot I la ong ba ka jinglah jong ka Dr. Kharmalki ban pynmih ïa katei ka kot ka la long ka jigkyrkhu kaba khraw ym tang ïa ki khynnah college kiba pule ïa ka hynrei ïa ki nonghikai skul, ki nonghikai College bad ïa ki nongwad bniah ïa ki jinglong tynrai ha ki bynta bap her bap her la ka long ha ka ktien ka thylliej, ka jinglong jigman ha ka imlang sahlang, ka jinglong jong ka suiñ bneng bad ka mariang, ki jingthung jingtep ,ki jingthaw ba im bad kiwei kiei.
Hadien ka jingkren jong i la ïoh ban pyllait ïa katei ka kot da u Paiem Phylla Singh Syiem bad shuwa ban pyllait u Paiem u la ai ka jingkren lyngkot hakaba u la batai halor ka jingïapher jong ki ktien na kawei ka shnong sha kawei pat bad u la ong ruh ba ka jingdon da ki spah bad ki hajar tylli ki jait ktien ba ki Khasi jong ngi ki kren ha la ki jong ki jong ki shnong ka pyni ba ka Jaitbynriew Khasi ka dei kaba riewspah tam ha ki jait ktien bad na ka jingdon jong ki jait ktien ba bun jait ka dang don kam ban pynbha shuh shuh ïa ka jingspel dak ha ka thoh ka tar ïa ki kot Khasi.Khatduh eh la ïoh ïa ka jingkren lyngkot na ka Professor Dr.A.Kharmalki ha kaba ka la pynpaw ïa ka jingsngew kmen ba ka la lah ban pyndep ban thoh ïa katei ka kot bad ban pynmih ïa ka na kabynta ka jingmyntoi jong ki riew pule ha ki skul bad ki Collge bapher bapher hapoh ka jylla.