Shillong, Lber 31: Ban pynïaid shakhmat ïa ka jingtreikam jong ka Invest Meghalaya Authority ka sorkar jylla ka la pynlait ïa ka pisa T.20/- klur tyngka na ka bhah pisa jong ka jylla na ka bynta ban pynïaid shakhmat ïa kane ka ophis treikam.
Kane ka pisa ka long ban pynbha ïa ka ophis, ban thied ïa ki kali, ban siew ïa ka tulop jong ki nongtrei bad kiwei kiwei ki jingdonkam jong ka ophis kiba man ka sngi bad ka thong ka long ban khring ïa ki briew ban wan bei tyngka sha kane ka jylla.
Ka ïing dorbar thaw aiñ ka jylla ka la pynlait pisa T.20/- klur sha ka IMA kan shim wai ïa ka jaka jong ka GHADC na ka bynta 99 snem ha West Garo Hills District ban long kum ka jaka ban buh ïa ki karkhana, ka jingeh jong ka jaka kaba la shim na ka GHADC ka long 634 akar.
