Pyllait ka tnad elekshon ïa ka thup kyrteng ki lai Constituency ha WKH
![](https://mawphor.com/wp-content/uploads/2022/05/mawphor-1.jpg)
Nongstoiñ, Risaw 27: Ka ophis jong Deputy Commissioner ka West Khasi Hills ka la pyllait ïa ka thup kyrteng jong ki nongthep vote kiba la kynjoh 18 snem haduh ka 1 tarik Kyllalyngkot 2022, na ka bynta ki lai tylli ki Constituency ka 32 Nongstoiñ, 33 Rambrai Jyrngam bad 34 Mawshynrut Constituency.
Ïa ka jingpyllait ïa ka thup kyrteng jong ki nongthep vote ha kitei ki Constituency la pynlong ha ka jingïalang kaba la long ha Conference hall jong ka ophis u Deputy Commissioner, ha kaba la ïa don lang da ki EROs AEROs bad ki Election agent jong ki seng saiñ pyrthei.
La pynïaid ïa ka jingïalang da u bah M.Diengdoh MCS Additional Deputy Commissioner u ba dei ruh u ERO, ha kaba u la pynshai ruh ba ka jingpynrung thymmai ?a ki kyrteng jong ki nongthep vote ha baroh lai tylli ki Constituency, ka dei ?a kito kiba la kynjoh khatphra snem kat haduh ka 1 tarik Kyllalyngkot jong u snem ban wan.
Ka jingpyllait ?a katei ka thup kyrteng kam pat dei satia ka final, hynrei ka dang dei tang ka draft bad ki dang lah ban don ki kyrteng kiba hap ban pynbeit ?a ki jingbakla ha ka jingspel dak, kiba dei ban weng noh na ka electoral roll na ka daw ba ki la khlad noh bad kiba la pynkynriah ïa ki kyrteng jong ki na kawei ka polling station sha kawei pat.
Ka jingpynbeit la sdang nduh kine ki sngi haduh ka 8 tarik jong u bnai Nohprah ban wan bad naduh lashai ka sngi, kino kino ki ba don kam ban pynbeit ki lah ban wan sha ka ophis ha ka por long trei bad ki lah ruh ban pan jing?arap na ki BLOs, ki Nonghikai kiba ka sorkar ka la thung ban ?apeit lem bad ki rangbah shnong.
Shuwa ban ati ïa ki thup kyrteng sha ki Election agent, la ïoh ïa ka jingkren lyngkot na u bah Diengdoh u ba la pynshai ba ka jingpyllait ïa ki thup kyrteng, ka long katkum ba la bthah da ka Election Commission of India, hadien ba ki BLOs ki la pyndep ïa ka jingleit lum ïa ki kyrteng na man la ki shnong bad ki la pynpoi sha ka District Election Branch jong ka district, ban pynbit pynbiang bad ban pynrung ïa ki ha ka thup kyrteng jong ki electoral roll.
Ha kajuh ka por u la pynshai ba ha shuwa ba ka general election kan long ha ka snem ban wan, yn sdang biang ban leit lum ïa ki kyrteng bad ban pynrung ïa ki ha ka Electoral roll ha shuwa ka election, khnang ba kin ïoh ban thep ïa ka vote jong ki ha ka por election kum ki nongshong shnong ba pura jong ka ri India.