Mawkyrwat, Risaw 27: Ka ophis jong u District Election Officer, South West Khasi Hills District (SWKHD), Mawkyrwat mynta ka sngi ka la pynmih paidbah ïa ka Draft Photo Electoral Roll jong ka 35-Ranikor (ST) bad 36-Mawkyrwat (ST) Assembly Constituencies hapoh ka kamra treikam jong u Deputy Commissioner, South West Khasi Hills District, Mawkyrwat ha ka jingïadonlang ki political party jong ki kynhun bapher bapher.
Ka ophis ka pyntip ruh ba kan sa buh ka copy jong ka Draft Photo Electoral Rolls hapoh ka ophis jong u Deputy Commissioner, South West Khasi Hills District, Mawkyrwat, ha ki Booth Level Officer ba la thung kyrpang ha ki jaka bapher bapher bad hapoh ka ophis jong u Sub-Divisional Officer (C), Ranikor Civil Sub-Division, Ranikor ha ki por treikam. Ka tarik na ka bynta ban pynkhreh ïa ka Photo Electoral Roll kan dei ha ka 1 tarik u Kyllalyngkot, 2023 bad da kaba shim ïa katei ka tarik kum ka qualifying date lada don kano kano ka jingpynbeit na ka bynta ban pynrung ïa ki kyrteng lane kano kano ka jingujor halor ka jingpynrung kyrteng dei ban wan ha lane shwa jong ka 9 tarik u Nohprah, 2023 (kata naduh ka 27.10.2023 haduh ka 9.12.2023) lyngba ki Form 6, 6A, 7, 8, katkum ka jingdonkam.
Ka ophis ka pyntip ruh ba lada don kino kino ki jingpynbeit ne jingujor dei ban leit sha ka ophis jong u Deputy Commissioner, South West Khasi Hills District, Mawkyrwat, lyngba ki Booth Level Officer ba la thung kyrpang ha ki jaka bapher bapher bad hapoh ka ophis jong u Sub-Divisional Officer (C), Ranikor Civil Sub-Division, Ranikor ha ki por bad sngi treikam lane lah ban shu phah da ka post sha kine ki address: Electoral Registration Officer, 35-Ranikor (ST), Assembly Constituency, Ranikor ne Electoral Registration Officer, 36-Mawkyrwat (ST), Assembly Constituency, Mawkyrwat.
