Pyllait ka sorkar pdeng 94 klur tyngka ka Scholarship ba dang sahteng jong ki samla pule ST ka jylla

Shillong, Nailur 28 : Ka sorkar pdeng ka la pyllait 94.03 klur ka pisa na ka bynta ka scholarship ba dang sahteng jong ki samla pule Schedule Tribe (ST) jongka jylla Meghalaya bad kane ka dei jong u snem 2025-26.
Ka tnad Tribal Affairs ka la mang 94,03,38,000 tynkga ïa ka jylla Meghalaya kaba dei ka pisa ba bei da ka sorkar pdeng na ka bynta ka Post Matric Scholarship Scheme jong ki samla pule ST. ïa kane ka pisa mynta la dep ban pyllait da ka sorkar pdeng.
U Myntri Rangbah ka jylla u Conrad K Sangma haba pynbna ïa ka jingpyllait ïa kane ka scholarship u la ai khubor ruh ïa ka sorkar pdeng bad kular ruh ba ka sorkar kan trei sted ïa ki kam ban ïoh pyllait noh ha ka por kaba biang sha baroh kito ki samla kiba dei ban ïoh ïa kane ka scholarship.ïa kane ka pisa la pyllait hadien ba la ïoh ka jingmynjur na ka Integrated Finance Division naduh ka 15 tarik Nailur 2026. Kane ka scholarship ka dei kaba la mang ban ïarap ïa ki samla pule ba kin dang ïoh ban bteng ïa ki jingpule jongki sha ki kyrdan ba shalor hadien ba ki la pyndep ïa ka matrik.