Shilong, Nailur, 10: Ka Sorkar India lyngba ka Food Corporation of India (FCI) ka la pyllait paidbah ïa u kew bad ïa u khaw lyngba ka Open Market Sale Scheme (OMSS) (D) ha ka dor T. 29 shi kilo na ka bynta u khaw Non-FRK bad T. 29.73 shi kilo na ka bynta u khaw FRK.
Ka FCI, Regional Office, NEF Region kaba peit ka bynta ka Jylla Meghalaya, Mizoram bad Tripura ka la sdang ban die ïa u kew bad ïa u khaw lyngba ka OMSS (D) sha ki nongthied ba la ïoh jingithuh naduh ka 28 tarik, Jylliew, 2023. Ïa ka Notice Inviting Tender (NIT) yn sa thep manla ka sngi thohdieng ha ka MJUNCTION Portal bad yn pynbud pat sa ka jingdie lilam manla ka sngi Balang.
Haduh 4650 Metric Ton u kew bad 1900 Metric Ton u khaw la die haduh mynta na ki Depot bapher bapher kiba don hapoh ka thaiñ Shatei Lammihngi. Na ka bynta ka E-auction ka ban sa wan ha ka 13 tarik mynta u bnai, haduh 800 Metric Ton u kew bad 3000 Metric Ton u khaw yn sa tyrwa lyngba ka OMSS (D) scheme.
U kyrwoh ba la phah da u General Manager (R) ka FCI-RO NEF u la pyntip, na ka bynta ka jingmyntoi jong ki nongbam bad paidbah ka FCI ka khmihlynti ba ki nongthied ba la rejistar ki lah ban ïashim bynta ha ka jingdie lilam ka ban sa long.
