Shillong, Rymphang, 23: Ka ophis ka Deputy Commissioner (Supply), East Khasi Hills District ka la pyntip ba u khaw reshon uba hap hapoh ka NFSA (AAY bad PHH) bad Non-NFSA ba kynthup ruh ïa u Ata na ka bynta u bnai Rymphang ladep ban pyllait bad sam lyngba ki dukan sam reshon bapher bapher.
Ka dor jong u khaw ba la bhah hapoh ka AAY yn sam kumba 35 kilo ha ka shi Card bad ïa u khaw hapoh ka bhah PHH yn sam kumba 5 kilo shi khlieh briew khlem donkam siew pisa.
Katba u khaw hapoh ka Non-NFSA yn sam kumba 7.105 kilo shi ïing ha ka dor kumba T. 12.70 haduh T. 13.00 shi kilo.
Ïa u ata yn sam kumba 5 kilo shi card ha ki thaiñ Sor bad kumba 3 kilo shi card ha ki thaiñ nongkyndong ha ka dor T. 10.50 shi kilo.
Ka ophis ka la bthah ïa ki nongïohbhah ba ki dei ban ujor lada kam don ka jingsam kaba thikna ne ka jingsam kaba duna kilo lane ka jingshim palat ïa ka dor ba la buh bad kumjuh ruh ïa u khaw ba la sniew bad ïa kane ki nongïoh jingmyntoi kin ujor sha ka ophis Deputy Commissioner (Supply), East Khasi Hills District, Shillong.
