Shillong, Jymmang 02: Ka khubor ba la ïoh na ki pulit la ïathuh ba ka Sarda Chettri ka la phah ka jingujor ba hapdeng ka miet jong ka 26 & 27 tarik u Ïaïong, ki runar bym lah ban ithuh ki la prong hapoh ka dukan furniture jong ka kaba ha Fourth Furlong, Polo, Shillong bad ki la tuh ïa ki mar bam bad kiwei pat ki tiar kiba shongdor kumba T.. 1 lak bad ka pisa kumba T. 3.5 lak.
Ha kawei pat ka jingjia ki pulit ki la ïathuh ba u Sahidul Rahman u la phah ka jingujor ba ha ka 24 tarik u bnai Ïaïong, ki runar bym lah ban ithuh ki la tuh ïa ka thuk thuk jong u kaba don u nombar ML-08H-7862 napoh ka shnong Chandigre (WGH).
Shuh shuh ha kawei pat ka jingjia ki pulit ki la ïathuh ba u Jacquish D Sangma bad ka Rosemary D Sangma ki la ujor lang ba ha ka 24 tarik u Ïaïong ha ka por 10.30 baje mynmied kumba 4 ngut ki briew kiba la ithuh kyrteng Pabean D Sangma ba la 29 snem, Rajmijush D Sangma ba la 21 snem, Spenson T Sangma ba la 31 snem ka rta bad Luthas Ch Marak ba la 32 snem ka rta ki la tuh ïa 2 tylli ki masi napoh ka shnong Rangasora (SGH), ha kaba ki la thep hapoh kawei ka Bolero camper kaba don u nombar ML-08K-4381. Hynrei na ka liang ki nongshong shnong ki la ïoh bat noh ïa u Rajmijush D Sangma, u Spenson T Sangma bad ïa u Luthas Ch Marak bad ki la aiti noh sha ki pulit ha ka 25 tarik u Ïaïong katba u Pabean D Sangma u la ïohlad ban phet krad.
