Shillong, Lber 03: Ka khubor ba la ïoh na ki pulit la ïathuh ba ka kong E.M Syiem ka la phah ka jingujor ba ha ka 27 tarik jong u bnai Rymphang ha ka por kumba 5 baje mynstep, ki runar bym lah ban ithuh ki la prong hapoh ka dukan jong ka kaba ha Madanrting Block-F, Shillong bad ki la tuh ïa ki tiar kiba la buh ha dukan kiba la shongdor kumta T. 9,510/-. ïa kane ka jingjia la ïohi ruh lyngba ka CCTV.
Ha kawei pat ka jingjia, ki pulit ki la ïathuh ba u Batskhem Suting u la pyntip sha ki pulit ba ha ka 27 tarik shiteng mied, kawei ka nongtrei kaba la ithuh kyrteng da ka Sunai Singh kaba la 22 snem ka rta ka la pynïap ïa la ka nongtrei jong ka kaba kyrteng ka Damonika Laloo ba la 39 snem ka rta hapoh ka Trattoria Restaurant, Central Ward, Barik Lachumiere, Shillong.
Shuh shuh na ka liang jong ki pulit ki la ïathuh ba u Head Master ka Borsing Secondary School Nongpyndeng (WKH) u la phah ka jingujor ba ha ka 26 tarik u Rymphang ha ka por kumba 9.30 baje mynstep, la shem ba ka UPS ka la jah napoh ka kamra ba la buh ïa ka computer hapoh ka skul.
