Poi wir u rangbah sha Mawlangkhar WKH
![](https://mawphor.com/wp-content/uploads/2022/05/mawphor-1-1.jpg)
Nongstoiñ, K’lyngkot 16: U Superintendent of Police ka West Khasi Hills District Nongstoiñ, u la pyllait khubor ba ha ka 1 tarik u Kyllalyngkot 2024, u Sordar shnong jong ka shnong Mawlangkhar u la pyntip lyngba ka phone ba uwei u briew rangbah u bym tip kyrteng u la ïaid kulmar ne poi wir ha katei ka shnong.
La wanrah ïa u sha Nongstoiñ PS bad la suba ba u dei u briew bym nang kren bad bym biang ka jingmut jingpyrkhat. Kumta la rah noh sha Nongstoiñ Civil Hospital ha kaba u doctor ba sumar ïa u, u la phah noh sha MIMHANS, Shillong. U doctor Psychiatrist na MIMHANS u la mut ban pyllait noh na katei ka Hospital.
Kumta lada don mano mano kiba ithuh, ki para marjan ne kiba ha ïing ha sem jong utei u briew, kin sngewbha ban pyntip khnang ba yn lah ban pyllait noh na MIMHANS. Utei u briew bym tip kyrteng u don ïa ka snieh doh kaba shai, ka rynieng ba 160 cm, u sñiuh ba iong bad lyngkot, ka karta 40-50 snem antad bad la suba ba u dei na ka jaitbynriew Garo.