Tura, Rymphang 18: U Myntri Rangbah ka jylla Conrad Sangma mynta ka sngi u Blei, ula plie paidbah ïa ka Thakurbari Guest House bad ka Annapurna Hall ha Tura ha ryngkat bad u Lamphang ka ïing Dorbar Thawaiñ ka jylla u Thomas Sangma.
Ka Prana Pratishtha, ka dei ka jingleh niam ki Hindu ha ka ban pynïeng ïa ka dur bleithaw jong u Rama bad kane mynta ka dang ïaid shakhmat hapoh jong ka Thakurbari Temple bad ïa kane ka jinglehniam lehrukom yn pyndep ha ka 22 tarik u Rymphang.
U Myntri Rangbah ula shim ïa ka kabu ban ai khublei ïa ki riewngeit Hindu kiba shong basah ha Tura.
ïa kane ka jingtei kaba thymmai ha Thakurbari la bei tyngka lyngba ka Chief Minister Special Development Fund (CMSDF).
Haba kren ha ka jingïalang u Myntri Rangbah ula ong, ba ka sorkar kan kyrshan ïa baroh ki kynhun ba kin sdang ïa ka Skill Training bad ban pynkupbor ïa ki samla bad ka sorkar kan sdang ïa kiba bun ki prokram ban kyntiew ïa ka jingsengkam lajong ba ki samla ki dei ban shim kabu ïa kine ki prokram kiba ai da ka sorkar jylla.
