Jowai, Nohprah 23: Ka ophis jong ka District Rural Development Agency, West Jaiñtia Hills District, Jowai, mynta ka sngi 22tarik u bnai December 2023, ka la ïoh ban plie ïa kawei ka ïing bala shna lyngba ka scheme PMAY-G ha ka shnong Moosakhia kaba don hapoh ka Amlarem C&RD. Block, West Jaiñtia Hills, ïa kaba la aiti noh sha ka kong Solbi Suting naka shnong Moosakhia.
Ïa kane ka programme la pynïaid da u ma G. Mylliem, Block Development Officer, Amlarem C&RD Block. Ha kaba u la ai ruh ïaka jingkrenpdiang bad jing ai khublei ïa baroh ki ba ïa don lang ha kane ka programme. La ïoh ruh ïaka jingduwai na u ma Lewis Bareh, Rangbah Balang jong ka Balang U Blei na ka shnong Moosakhia.
Ha kane ka programme la ïoh ïaka jingkren na u Headman jong ka shnong Moosakhia ma Deimon Suting, na u ma F.B.Basan Additional Deputy Commissioner & Project Director, West Jaiñtia Hills, na U Father Manbha Pakem, bad na u kongsan jong kane ka programme bah B.S.Sohliya, Deputy Commissioner West Jaiñtia Hills District.
U kongsan haba ai jingkren u la ai khublei ïa ka DRDA team bad ka Block Development Office Amlarem baroh kawei kiba la trei shitom ban pyndep ïa kane ka ïang kaba don san kamra. U la ong ruh ha kine ki sngi, la ïohi ïaka jingïashun jingïakulmar bad jingïakynad ha baroh sawdong sawkun, hynrei mynta hangne ngi ïohi ïaka jingkyrmen bad jingïatiplem para briew, ha kaba lyngba ka jingïatylli lang jong ki briew sorkar, ki nongshong shnong bad ki VO, Self Help Groups (SHGs) jong ka shnong Moosakhia la lah ban pynlong ïa kane ka ïing. Kumta, U la buh ka jingkyntu ïa baroh ban ïai bteng ia kane ka kam babha.
La ïoh ruh ïaka jingkren na ka kong Solbi Suting, PMAY-G beneficiary ha kaba la pynpaw ïaka jingsngewnguh haduh katta katta ïa ka sorkar bad baroh ki ba ïa don bynta ban ai ha i ïa kane ka ïang kaba la long shisha kum ka Christmas Gift ïaka longïing jong ka.
La ïoh ruh ïaka Poem recitation na ka liang ka VO (Village Organisation) jong ka shnong Moosakhia, ka jingrwai na U ma Kamwakwah Muksor bad na ki staff jong ka DRDA. Katba ïa ki kyntien ai khublei la ïoh na ka kong Sammaia Lato, ITP PMAY-G..
