Shillong, Nohprah 22: Ka Nongthymmai cultural and sports club Huroi hynnin ka sngi ka 21 tarik Nohprah, 2023 ka la ïoh ban plie paitbah ïa u mot sahnam Jong ki nongseng Jong ka tei ka sports club, ha madan ïalehkai jong ka Nongthymmai cultural sport club, ha kane ka sngi la wan sakhi lang ka M.L.A ka 5sutnga Saipung Constituency, ka Kong Santa Mary shylla ka ba la long ruh Kum ka kongsan ha katei ka sngi plie ïa u tei u Mot.
Kiwei pat kiba la ïadonlang ha kane ka sngi ki kynthup ïa ki nongïalam shnong naduh i Rangbah shnong Jong ka shnong Huroi bah Golden marbanïang i secretary Jong ka shnong bah Raja L suchen,ki Riew paw khmat Jong ka thaiñ Kum u bah Daya Lamare,ki nongïalam kane ka sports club,ki Riew Rangbah,ki samla Jong ka shnong Huroi bad kiwei kiwei.
Ha shwa ban pyllong ïa kane ka programme ka la don ka sports meet kaba arsngi kaba la pyllong da kane ka hi ka sports Club,ha katei ka sport meet la pynïalehkai Kum ki Race, Long jump bad kumta ter ter,la wan ïa shim bynta shitrhem bha ki riew Rangbah kynthei bad shynrang,ki samla,ki khynnah.
Ha katei ka sngi ka la don ruh ka jingïaleh football friendly match kaba la ïakhun da ka Hingarïa sc bah ka youngstar sport club, Huroi, kaba ka jing jop ka la leit sha ka youngster sport club, Huroi, kaba la ïoh ban pynkhih ïa ka jar shi kol.
Haba ai jingkren ka M.L.A ka kong Santa Mary shylla ka la kyntu kynpham ïa ki nongkitkam jong ka Sports club ba kin bteng bad nanglah shuh shuh ban trei shitom ïa ka jingbha jingmïat ka shnong ka thaw bad ka imlang sahlang.
Ka la ong ruh ba kan ïa trei ryngkat ryngkat lang bad ki paitbah bad ki nongïalam Jong ka shnong ban warah ïa ka jingkylla ha kaba ïa dei bad ka shnong bad kumjuh ruh bad kane ka sport club,ka la ong ruh ba Kum ka sub-center kaba don hapoh ka shnong kan ïaid lynti ban bud dien khnang ban ïoh pynkiew noh sha ka PHC ïa kane ka jaka ai sumar, kum ka surok Sunapur shaduh Huroi, ka iew border hatt,kan treitom ban bud dien ba kin ïoh ban pyndep noh khnang ba ki paitbah kane ka shnong kin khamsuk.
Ka la kular ruh ban ïarap kat ha i buit i bor Jong ka ban wanrah ïa kaei kaba bha tam ha kaba ïa dei bad kane ka club.
Shuh shuh la ïoh ka jingkren lyngkot na i Rangbah shnong-u Bah Golden Marbanïang u ba la ïathuh ba kane ka Nongthymmai cultural and sports club Huroi ka dei kawei na ki sports club kiba don hapoh ka shnong kiba kham kiew ha ka Lïang ka jingïalehkai sport.
La ong ruh ba kane sports club ka donkam ba kan don ka madan ïalehkai ka ba bïang kum ka mini-Gallery bad khamtam ka kynroh ban kynroh ïa une u madan na baroh ki side Jong u namar ka dei ka madan ka ba ym tangba ki ïalehkai football hynrei une u madan la pyndonkam ïa u ha ki baroh ki program ki ba kham heh ruh, Kum ki jingïaseng heh, ki program sorkar, ki jingïalehkai football kiba heh bad kumta ter ter.
Na ka liang jong u Bah Golden Marbanïang u la ai khublei kyrpang eh ruh ïa ki nongïalam kane ka club kiba la kiba la trei borbah ha kaba ïa dei bad kane ka sports club.
Ha kane ka sngi kane ka Sport Club ka la pynkup burom ruh ïa ki nongtreimon SNGEWBHA kiba Don hapoh ka shnong Huroi,ïa ki nongïashim bynta ha ki jingïalehkai ba pher ba pher, kumjuh ruh ïa ki khynnah pule kiba Don hapoh kane ka shnong.
La pynïaid ïa kane ka programme da i president Jong ka ne ka sports club bah Al Khongshei.
