Ka Puron ka Hollywood, ka Amber Heard bad u Johny Depp ki dang don hapdeng ka jingïaleh mukotduma markynti hapdeng kine ki shijur kaba la neh naduh u snem 2018 hadien ba ka Heard ka la pynpaw paidbah ba long kawei na ki lanot shah lehbeiñ ha la ïing la sem, shah pynshitom bad byrngem pyniap ruh ha la u jong u kurim ha kaba ka ju buh jingduwai kum ka jingiada ia la ka jingim na shalyndet da ka Bor jong U Blei.
Ka Amber Heard ha ka jingphla ha hakhmat ka ïingbishar ha ka sngi Palei ba la lah halor ka mukotduma pyrshah ia u Deep, kam shym la lah ban tyngkan ïa la ki ummat ksiar bad ban iam ha ka por ba ka dang phla sakhi. Ka la ong, ka jinglong u Deep u don ka mynsiem bishni bad ka khuslai bha shaphang jongu na bynta ki jingkyrni dihdrok jongu. Ka la ïathuh ha khmat ka iingbishar ba ba ka jingleit ring phlim jongu sha Australia na ka bynta ka ‘Pirates of the Caribbean’ ha u Lber 2015, ka jur bha ka jingbishani bad kyrni dih drok u Deep .
Ka Heard kala kynnoh ba u Depp u ju lehtohmet da kaba shoh ia ka man ka por bad kawang ruh da bilor kyiad bad pyntyngkhuh ha ka refrigerator ha kab adon ki khep ba ngam leh shuh wang tang ban khih ban ksar lane ban khie na madam haba ka kyllon shah shoh ha u Deep., Ha ka jingai shakhi ka la ong ba ka kynmaw ïa ki kyntien ba ka buh jingduwai sha u Nongthoh ba donbor uba na shalyndet kum ka jingïada ïa la ka jingim ha kaba don ruh ki hep ba u Depp man ka por u ju kren ki ktien byrngem byrsit ban pynïap.” Ka Heard ka la ïaksaid tyngeh ruh halor ka mukotduma jingïada ïalade na ka bynta ka bai menraiñkhmat ba $50 million, hadien ka jingkynnoh ba u Depp u la donkti ha kaba lehbeiñ ïa ka man ka por bad ka sngew ia lade kum ka lanot shempap ha la ïing la sem.
Ka mukotduma pyrshah ïa u Depp, ka la khanglad ïa u ban bteng ban ak ha ka bynta ba 6 jong ka ‘Pirates of the Caribbean’ bad kiwei pat ki phlim hadien ba ka Heard ka la pynpaw paidbah ba ka dei ka lanot ha ki kam thombor ha ïing hasem naduh u bnai Nohprah 2018. Ka Heard ka la phla ruh ha da kaba pynkynmaw ïalade ba kumno ka ïakynduh ïa u Depp bad shoh jingieit ruh ïa u bad ter ter sha ki sngi jingshem lanot ha la ïing la sem. Ha ka sngi Palei ha khmat ka ïingbishar ka Amber Heard ka la phla ruh ba u Depp u la thap bad kynjat ruh ïa ka ha ka por ba ka shong ha ka liengsuiñ shimet (privaye flight) ha u bnai Jymmang, 2014.
Ha khmat ka ïingbishar ka Heard ka la ïathuh ruh shaphang ka jingktah ki u Deep ha Tokyo bad ha jaka dewlynnong shimet jong u Depp ha Bahamas. Na ka liang u Depp u la kyntait ïa kane ka jingkynnoh bad phla ba dei maka kaba kawang bilor ïa u haduh ba un da mynsaw ka shympriah kti.U Nongbishar u Penney Azcarate u la pynsange bad buhteng ïa kane ka mukotduma bad yn shim jingphla biang na ka liang ka Heard ha ka 16 tarik mynta u bnai. U Penney Azcarate u la pynbna ba ka jingpha jong kine ki ar ngut kan sa kut noh ha ka 27 tarik mynta u bnai bad yn sa bishar bniah ban shim rai khatduh.
