Shillong, Jylliew 01: Ka IIM Shillong ka la pdiang sngewbha ïa ka batch kaba 6 jong ka Post Graduate Program for Working Executives (PGPWE 2025-27) bad ka batch kaba 7 na ka bynta ka PhD Program for Working Professionals (PhDWP 2025) ha ka prokram plie kaba la long ha IIM campus.
Ha ka batch kaba 6 jong ka PGPWE program la sakhi ïa ka jingwan pynrung kyrteng jong ki 90 ngut kiba wan katba 16 ngut ki la pynrung kyrteng na ka bynta ka doctoral program for Working Professionals.
Ka Prof. Nalini Prava Tripathy, Director (I/C), IIM Shillong, ka la pdiang sngewbha ïa kiba la wan ban shim bynta da ka khubor jong ka jingthmu bad ka jingpynkupbor. “Kane kam dei tang ka jingïoh degree; kadei ka rynsan ban pynheh ïa la ki jinglah la jong,” ka la ong. Haba pynpaw halor ka jingthmu jong ka institute ka la ong ba kane ka jaka pule ka pynleit jingmut bha ïa ki kam ba dei bad ka sengkam lajong, ka pule puthi bad ka la pynthikna ruh ruh ba ki prokram la pynwandur ban ïaleh bad kyrshan ïa ki riewshem phang katba ki dang kiew ban long ki nongïalam.
Katba u Charan Singh, Advisor, ASSOCHAM, haba ai jingkren ha ka prokram sdang kum u kongsan u la pynpaw ïa ki kam ba kongsan jong ka jingdonkam ban trei shitom na ka bynta ka jingdonkam ban tei ïa ka ri. “Phi don hangne ym da kaba shu jia ryngkhat, hynrei phi dei ki nongda nongri jong sumar jong ka IIM,” u la ong. Haba ban jur halor ka jingriewspah ka jinghiar pateng jong ka ri India bad ka lawei jong ka, u la khot ïa kane ka kynhun kaba thymmai ban ïalam da ka jingthrang, ka jingïalong kawei bad ka jingthmu ban kyntiew ïa ka India ban long kawei na ki ri ban long ka nongïalam ha ka pyrthei.
Katba u Symbud Kongsan u Sridhar CV, Head of Alliances, Incubation, Research and Innovation at TCS, u la ong, “Kam ju don ka lynti kaba lyngkot na ka bynta ka jingtrei shitom,” bad bynrap da kaba kyntu ïa ki ban peit ïa ka jingïaid lynti jong ki sha ka IIM Shillong ym tang na ka bynta ka kam pule puthi, hynrei kum ka nongrim na ka bynta ka jingktah kaba neh slem ha ki kam business bad ka imlang sahlang.
U Prof. Bidyut Jyoti Gogoi, Chairperson – Admissions, u la pyni ïa baroh ki kam pule kaba ïadei bad ka PGPWE bad ki prokram PhDWP, katba Prof. Mousumi Bhattacharya, Chairperson – Doctoral Program bad Prof. Sitanshu Sekhar Das, Chairperson – Executive PGP, ki la wanrah ïa ki prorkam ha la ki jong ki jong ki bynta.
U Prof. Rohit Joshi, Dean – Academics, u la ïarap ha ka ban shim ïa ka jingsmai jong ka jingaiti na ka bynta ki samla pule jong baroh artylli ki batch, kaba long kum ka dak ka jingsdang jong ka pule puthi jong ki ha IIM Shillong.
Ka jingsdang jong ka program na ka bynta ki samla pule ba thymmai ka la long ha ka campus naduh ka 26-30 tarik u Jymmang 2025, kaba tyrwa ïa ka lad ban pyndon bynta bad pynithuh ïa ki nongtrei, ki paralok bad kiwei kiwei kiba don bynta hapoh ka IIM Shillong community.
