Shillong, Nailur 30: Ka North Eastern Hills University (NEHU) lyngba u Prof. Prabha Shankar Shukla, Vice Chancellor mynta ka sngi kila la pdiang burom ïa ki dkhot ka tnat kam bar ri jong ka ri Thailand ban ïatreilang ha ki kam wadbniah.
ïa ka kynhun na katei ka ri la ïalam da ka Sasirit Tangulrat, Director-General jong ka tnad South Asian, Middle Eastern, bad African Affairs. Kane ka jingwan ka long ha ka jingïadei lok hapdeng ka India bad ka ri Thailand.
Ha ka jingkren u Prof. Shukla la ban jur ba ïa ka jingtip ha ka pule puthi ka dei ban long shityllup ka pyrthei, kane ka jingïakynduh ka long ban kyntiew ïa ka jingïatreilang ha ka pule puthi bad khmih lynti ba kan wanrah ïa ka jingmyntoi ïa baroh artylli ki Ri.
Ha ka jingkren u Prof. S.R. Joshi, Director ka R&D la batai ïa ka bor jong ka NEHU ha kaba ïadei bad ki kam wad bniah ha ka saïan bad ka imlang sahlang bad ka jingïadei bad ka longbriew manbriew bad ki kor ki bor jong kane ka juk kaba mynta.
Hadien ka jingïalang ka la don ka jingïamir jingmut hapdeng ki artylli ki kynhun na NEHU bad kiba na Thailand bad kane ka jingtip kaba ki ïoh hi na ki nonghikai bad ïa ka jingïakynduh la pynkut da ka jingïateh kular ban bteng ïa ka jingïatreilang.
