Shillong, Naitung 30 : Ka Meghalaya Human Rights Commission (MHRC) ka la pan kaiphod ba bniah na ka MePDCL bad JNV halor ka jingiap shah lympat bording elektrik jong u Khynnah skul ka Jawahar Navodaya Vidhaya (JNV) Mawphlang.
Kat kum ka kyrwoh na u Secretary ka MHRC, une u Khynnah skul u kyrteng u Nathaniel Sohtun uba pule klas XI ha JNV, Mawphlang. La ong ba une u khynnah ula shah lympat bording ha ka por ba u dang sum hala ka jong ka hostel.
La pyntip ba ka MHRC kala shim suo moto case halor kane ka jingiap une u khynnah. Kala bthah ïa ka Principal ka JNV Mawphlang bad u Chairman cum-Managing Director ka MePDCL ban aiti ïa ka kaiphod hapoh ka 16 tarik u Nailar 2024.
