Shillong, Naiwieng 28: Ka Meghalaya High Court ha ka sngi Palei ka la pan ïa ka kaiphod halor ki 6 tylli ki mukotduma kam runar ba dangsah teng pyrshah ïa ki MP bad ki MLA ha ka jylla.
Ha ka hukum ba la pynmih hadien ba la shong bishar ïa kane ka kam, ka meij ki nongbishar ba la khlieh da u Justice HS Thangkhiew la ong ba la dep ai da u Advocate General ba ka kam kaba la aiti ha ka kaiphod kaba 17- 09-2024, ka la neh kumjuh.
“Katkum ka kaiphod kaba kham hashwa, ki la don kumba 6 tylli ki mukotduma kiba dangsah teng. Ka Ïingbishar ka la buh ban shong bishar biang ïa kane ka kam ha ka 03- 02-2025 na ka bynta ban ïoh ka kaiphod ka ban sa aiti,” bthah ka ïingbishar.
Ka suo-moto case ba mardor kaba dei ka In-re:Designated Courts na ka bynta ki MPs/MLAs ban khmih ïa kane ka kam kaba long ruh katkum ka jingbthah jong ka Supreme Court kaba 9 tarik u Naiwieng, 2023.
