Shillong, Jylliew 28: U Bah A L Hek Myntri ka tnat ki kam Mrad ka sorkar jylla la ong ba ha ka jingleit jong u sha Delhi u la ïa kynduh ïa u myntri ba dei peit ïa ki kam rep bad pynroi nongkyndong u Shivraj Singh Chouhan.
Kiwei ki myntri ka sorkar pdeng kaba u Bah Hek u la ïa kynduh ki long u Rajiv Ranjan Singh myntri ba dei peit ïa kam ri mrad, ba de peit ïa ka Panchayati Raj bad ri dohkha, la ïa kynduh ruh ïa u Kiren Rijiju myntri ba dei peit Parliamentary Affair bad ki rit paid.
Ha kane ka jingïakynduh na ka liang jong u bah AL Hek u la ia kren bad ki myntri ka sorkar pdeng ban pan ia ka jingkyrshan na ka sorkar pdeng ha kaba ïa dei bad ka roi ka san jong ka jylla Meghalaya ha ba bun ki liang.
Kane ka jingleit ban ïa kynduh ïa ki myntri ka sorkar pdeng na ka liang jong u myntri ka BJP ba dei na kane ka jylla Meghalaya ka long ba kum ka party ka kwah ban ïohi ba ka jylla Meghalaya kan kiew ha baroh ki liang ha ka roi ka san ka ïoh ka kot.
