Nongstoiñ, Naiwieng 22: Ka seng Meghalaya Youth Federation (MYF) Mawshynrut circle ha ka 22 tarik Naiwieng, ka la leit ban ïakynduh ïa ka DMHO West Khasi Hills, ha kaba ïa dei bad ka jingud jingnam ki paitbah ka thaiñ halor ka jingbym don Doctor hapoh Shallang PHC la kumba shi bnai tam.
Ka jubab ba ka seng ka ïoh na ka DMHO ka long ba kan sa pynsngew sha ki bor ba halor ba dei peit halor kane ka mat. Hynrei watla katta, na ka liang ka seng ka dawa ban phah Doctor noh kham kloi, khnang ba ki paitbah ka thaiñ kin lait na kino kino ki jingeh.
La ong ba hapoh PHC Shallang ki bun kiba mad ïa ki jingeh ha kaba ïa dei bad ki kot ki sla ban phah soi kum ki birth certificate, kiba leit phah check up bad kiwei kiwei ki kam kiba donkam hapoh jong kane ka PHC. Kane ka long katkum ka kyrwoh na u samla Pynshai K Bani President MYF Mawshynrut circle.
