Shillong, Nailur, 19: Palat 2,500 ki Case kiba ïadei bad ki kam runar ruser bad thombor pyrshah ïa ki kynthei bad ki khynnah la rejistar ha ka jylla Meghalaya ha ki saw snem baladep.
Na kine, 1388 tylli ki dei ki Case ba ïadei bad ki kam runar pyrshah ïa ki khynnah bad 1180 tylli ki dei ki Case ba ïadei bad ki kam runar pyrshah ïa ki kynthei.
Ïa kane la pyntip da u Symbud Myntri Rangbah uba peit ïa ka tnat Kam Pohing u Bah Prestone Tynsong haba jubab ïa ka jingkylli hapoh ka Dorbar Synrai jong ka Ingdorbar Thawaiñ ha ka sngi Baar.
Ha u snem 2023, haduh 310 tylli ki case ba ïadei bad ki kam runar pyrshah ïa ki kynthei la registar bad 245 tylli ki case ki dei ki kam runar pyrshah ïa ki khynnah.
Ha u snem 2022, ki don 319 tylli ki case ba ïadei bad ki kam runar pyrshah ïa ki kynthei bad 488 tylli ki case ba ïadei bad ki kam runar pyrshah ïa ki khynnah katba 298 tylli ki kam runar ki long pyrshah ïa ki kynthei bad 491 tylli ki kam runar ki long pyrshah ïa ki khynnah ba la ïoh jingkheiñ ha u snem 2021 bad 253 tylli pyrshah ïa ki kynthei bad 164 tylli ki kam runar ruser pyrshah ïa ki khynnah ha u snem 2020.
