Shillong, Nailur 30 : U Amit Shah uba dei u Myntri kam Pohiing ka Ri la khmih lynti ba un wan sha Shillong ha ka 4-5 tarik Risaw na ka bynta ka jingialang ban pynkup burom da ka khusnam President Colour ïa ki Pulit ka Jylla ha JN Stadium, Polo.
Namar kane ka jingwan une u Myntri bad ki Heh Sorkar, ki bor pyniaid district jong ka East Khasi Hills kila pynjari da ka jingpyrrkhing ban pynher drone ha sawdong kane ka jaka.
U District Magistrate u Abhilash Baranwal ha ka hukum bala pynmih hapoh ka kyndon 163 jong ka BNSS, ula pynbna kum ka No-Drone Zone ha sawdong u pud ba 3 Km jong ka JN Stadium.
Kane ka jingpyrrkhing kan treikam naduh ka 2 tarik Risaw haduh ka 5 tarik Risaw.
