Nongpoh, Lber 21: U Working President ka UDP RI Bhoi bad uba dei ruh u MDC ka Nongpoh mynta ka sngi u la pynshai paidbah halor ka jingmih noh ki nongïalam ka UDP ba kam don kano kano ka jingktah ïa ka party bad ka party UDP ka dang khlaiñ bad dang treikam ha RI Bhoi District.
Haba kren bad u Nongthoh Khubor, u la ong ba ha kane ka ri synshar paidbah ki don kiba mih bad ki don kiba rung bad ngim lah ban bat ïa ka mon jong kiwei, hynrei ban ong ba ka jingmih kitei ki nongïalam UDP na Ri Bhoi kan ktah ïa ka party ka long kaba ym lah ban pdiang namar tang katto katne ngut ki nongïalam kiba la mih na ka party bad kiba bun ki dang don hapoh ka party.
U la ong ruh ba kiba bun kiba mih na ka UDP ki dei tang na Mawhati Constituency bad kattto katnte ngut na kiwei ki constituency bad kumba long haduh mynta ka party UDP ka dang khlaiñ ha Ri Bhoi District bad kan ïai trei la ka jong ka kam kum ka party wat la kitei ki nongïalam ki la mih na ka UPD party.
H kawei ka bynta, u Bah Rani u la kyntu ruh ïa ki nongïalam bad ki dkhot bad ki nongkyrshan ka UDP kim dei ban khih mynsiem ba ki dei ban dang don ha ka party kaba dang bteng ka jingshakri ha Ri Bhoi bad ong ruh shen yns alum lang ïa ki nongïalam bad ki nongkyrshan ban tehsong biang sa shisien.
