Ngat shong phatok 20 snem ar ngut ki nongleh be-ijot ïa ki Khynnah Kynthei
![](https://mawphor.com/wp-content/uploads/2022/05/mawphor-1.jpg)
Nongstoiñ, Risaw, 11: Ka Ïingkashari Special Judge (POCSO) ka West Khasi Hills, ka la hukum ban set phatok haduh 20 snem ïa ar ngut ki briew kiba leh beijot ïa ki Khynnah kynthei ha ki ar tylli ki jingjia ba jia hapoh ka District.
Uwei na kine u dei u Himborlin Puweiñ u ba la leh ïa kane ka kam bymman ha ka 7 tarik Risaw 2017, ïa kaba la register case ha Nongstoiñ Police Station katkum ka case no 102(10)2017 hapoh ka kyndon 342/506 pule lang bad ka kyndon 5 (1)(n)/6 jong ka POCSO Act.
Uwei pat u dei u Rishan Marweiñ u ba la leh beijot ïa kawei ka Khynnah ha ka 20 tarik Risaw 2020. Ïa une ruh la register case ha Nongstoiñ Police Station katkum ka case no 72(10)2020 hapoh ka kyndon 5(1)(n)/6 POCSO Act.
Ka Ïingkashari Special Judge (POCSO) ka la pynmih ïa ka hukum ha ka 29 tarik Nailur 2023, ba hukum ban set phatok haduh 20 snem ïa u Himborlin Puweiñ ryngkat ka kuna ba T.50,000 katkum ka kyndon 6 jong ka POCSO Act bad shi snem hapoh ka kyndon 506 part-II IPC nalor ka kuna ba T.1000.
Kane kajuh ka Ïingkashari ka la pynmih ruh ïa ka hukum ban set along 20 snem ïa u Rishan Marweiñ lem bad ka kuna ba T. 30,000 halor ki kam bymman ba hap katkum ka kyndon 6 jong ka POCSO Act.