Shillong, Nailar 07: Ka khubor ba la ïoh na ki pulit la ïathuh ba uwei u nongshong shnong ka nongbah Shillong u la phah ka jingujor ba ha ka 22 tarik u bnai Jylliew, 2026, uwei u runar bym lah ban ithuh uba la kam ba u dei u nongtrei ka SBI, u la thok ïa u ka pisa haduh T. 73,500/-
Ha kawei pat ka jingjia uwei u nongshong shnong ka Shillong u la ïathuh ba ha ka 28 tarik u bnai Lber, 2024, arngut ki briew kiba u la ithuh kyrteng da u Komal Mehta bad George Girard Dkhar ki la thok ïa u ka pisa haduh T. 1.86 lak halor ka OLX car deal.
Shuh shuh ki pulit ki la ïathuh ba u uwei pat u nongshong shnong ka sor Tura (WGH) u la phah ka jingujor ba ha ka 28 tarik u Naitung, 2026, u la ïohpdiang ka jingshah phone, ha kaba utei uba phone u la bthah ïa u ban install kawei ka App ‘RMI Finance’, ha kaba uba ujor ula leh ïa kane. Kham hadien katei ka App ka la ïaibteng ban pynmih bad sei ïa ki OTP dalade bad ka pisa kumba T. 82,918/- la dep ban shah sei tuh napoh ka Bank account jong u.
