Nongpoh, Nailar 13: Ha kawei ka jingjia ngam jyllop kawei ka samla ba dang 21 snem ka rta kala duh noh syndon ïa la ka jong ka jingim hadien ba kala hap sha wah haka por ba ka leit bam khana bd la ki paralok ha Wah Umtru hajan ka Panitola Power House.
Katkum ka jingtip bala ïoh lum katei ka jingjia kala jia hynnin ka step haka por 9 baje eiei ha kaba katei ka samla bala tip kyrteng kum ka Pooja Sarkar na ka jylla Assam kala leit bam khana bad la ki paralok harud katei ka wah kaba dei ruh ka jaka kaba ki briew ki ju sngewtynnad ban leit kai bad khwai, hynrei dei hapor ba katei ka samla ka mut ban sum, naka jingbtuid kala kum hap sha wah, hynrei namar ka jingeh jong ka um ki paralok jong ka kim lah shuh ban ïohi bad ïarap ïaka.
Dei hadien bala pyntip sha ki pulit, naka liang ki pulit ngam um jong ka Fire and Emnergency Service, Byrnihat Station kila leit mar mar sha katei ka jaka bad ïoh ban sei ïa ka met hadien shiteng kynta ba kala ngam jyllop ha um bad naka liang ki bahaiing kila kyrpad ban pynlait noh ïaka met jong ka naka Post Mortem. Ka jingtohkit halor katei ka jingjia ka nangïaid shakhmat.
