Shillong, Naiwieng 13 : Ka Assam ka la ïoh ban khur ïa ka nam lahduh ha ka final jong ka Mixed Team Championship hadien ba ka la jop da lai tylli ki jingïakhun la kawei pyrshah ïa ka Arunachal Pradesh ha ka jingïalehkai kaba long ha kane ka janmiet sngi Saitjaiñ ha Jawaharlal Nehru Sports Complex Indoor Stadium.
Ka kynhun jong ka Assam ka kynthup ïa u Tonmoy Bikash Boruah, Isharani Baruah, Abishek Borah, Jayraj Pegu bad Manali Bora. Katba na ka Arunachal Pradesh pat ka kynthup ïa Laa Tukum, Dolma Tamang, Nikhil Chetry, Pinky Karki, Taring Yania bad Sonam Tamang.
Ha ka jingïakhun para marwei pat ka Assam ka dang bteng ïa ka jingjop hadien ba ka la jop lut ha baroh ki jingïakhun ha ka Men’s singles, Women’s singles, Mixed Doubles, Men’s Doubles bad Women’s Doubles kaba ki ïakhun.
