Namar ka jingbymkheiñ kor jong ki nongwan shang kai suwari sdang satah ki jaboh ha dom Marweiñ

Nongstoiñ, Jylliew 21: Ka dom Marweiñ kaba don harud ka surok Umkrem Eastern West Khasi hills sha duh Laitkseh West Khasi hills lyngba ka shnong Mawlaisyiem ka dei ka jaka kaba itynnad haduh katta katta bad dei tad ha kine ki khyndiat snem ba ki nongshangkai pynnagd na kylleng ki jaka ki la sdang ban tuid lajan man la ka sngi.
Ha ka jingleit peit jong u nonthoh khubor jong u Mawphor la lap ba ki jaboh kum ki bilor um, ki bilor kyiad, ki jait plastic song jingbam bad kiwei kiwei ki la sdang ban satah bad saphriang kylleng kylleng kba la sdang sa ban isaitmet haba ïaid kai.
Na katei ka jaka lah ban ïohi kyndiang ïa ki lynter lum Mawthadraishan ki madan phlang ba jyrngam bad ki khlaw dieng kseh kiba itynnad kiba don sawdong kat ba lah ban ïohi da ki khmat.
Ka jindon jong ka kur Marweiñ ïa katei ka jaka ka long ka jingmyntoi kaba khraw lada ka kur baroh kawei ka pynïaid ha ka rukom kaba dei na ka bynta ban khring shuh shuh ïa ki nongwan shangkai pyngad hynrei haduh kine ki sngi ka kur Marweiñ kam shym pat la buh kino kino ki jingkyntu ne ki jingmana ïa ki nongwan shangaki pyngad ha katei ka jaka la ka long da kaba thoh da ki sign board ne buh da kino kino ki dak ban pynsngewthuh ïa kii nongwan shangkai ba ki dei ban kiar na kaba bret pathar ïa ki kynja plastic, bilor um bad ki bilor kyiad.
Haba phai ha ka jingdon jong ki jaka kiba itynnad ym lah ban len ba ha kine ki sngi khamtam ha ki jaka kiba la biang ki surok kali ka la kylla long ka lad ai kam ai jam ïa ki trai jaka lada ki lah ban pynïaid ha ka rukom kaba dei.Kum ba ka long ha kine ki sngi kijaka kiba la kylla long ki lad kamai kiba pynim ja ïa ki trai jaka kum ka Mawphanlur, Mawlangkhar bad kiwei kiwei ki jaka ha kaba lajan man la ka sngi da ki spah ngut ki nonshankai na kylleng ki jaka ki tuid ban leit kai pyngad.
Nalor kata ka dom Marweiñ ka dei ka jaka kaba na shaphang shathie ka wah Kynshi ka tuid suki jai bad lada dei ha ka por ba rang kum ha ki bnai pyrem ba la sdan jyrngam ka mariang bad ha ka aïom synrai lada don ka surok ka ban haduh rud jong ka wah Kynshi kan nang pynsgewtynnad shuh shuh ïa ki nongwan shang kai namar ki ïoh ban jngi sngewbha ha katei ka wah.
Kumba ka long ha kawei na ki jaka madan ha West Khasi hills kaba la tip kum ka Umshaik picnic spot kaba don harud jong ka wah Kiang ha ki aïom synrai bad pyrem da ki spah bad ki hajar ngut ki nongwan shangkai ki sngew tynnad namar ki ïoh ban jngi sngewbha ha katei ka wah katba I mon lei lei ka wah Kynshi ka kham heh bad ïar ka pyngkiang ki nongwan kai pyngad ki kham sngew tynnad.