Nongpoh, K’lyngkot 09: Ban wan rah ïa ka jingkylla bad ka jingmyntoi jong ki nongshong shnong ka thaiñ Shatei Lam Mihngi ka ri India lyngba ki kam pynroi bapher bapher, mynta ka sngi la pynlong ïa kawei na ka prokram kyrpang ba la tip kum ka “Customization, enhancement, bad deployment jong ka digital solution na bynta ka jingpynkupbor ïa ki nongshong shnong ha ki jylla Shatei Lam Mihngi ka India”
Ïa kane ka prorkam la pynlong ha College of Post Graduate Studies in Agricultural Sciences (CPGSAS), CAU, Umïam. Kane ka prokram ka dei ka projek kaba la mang lyngba ka Ministry of Electronics and Information Technology (MeitY), Sorkar India. Ha kane ka projek kidon ruh lai tylli ki tnad treikam ba la ïa don bynta lang ban pyntreikam ïa ka projek ba kynthup ïa ka Digital India Corporation (DIC), New Delhi, North Eastern Space Applications Centre (NESAC), Umïam, bad ka College of Post Graduate Studies in Agriculture Sciences, (CPGSAS), CAU (Imphal), Umïam.
Ha kane ka prokram la shim bynta lang ruh naduh u Prof. Gautam Barua, Former Director jong ka IIIT Guwahati, u Mr. Manoj Kumar Jaiñ, Senior Director, MeitY, u Dr. K.K. Sharma, In-charge Director, NESAC; u Dr. Mukul Sinha, Director, Expert Software, u Mr. Rahul Kumar Neiwal, Scientist D, MeitY; u Mr. Vinay Bhatia, Former Senior Director, MeitY, bad ka Dr. Hemlata, Director, IGNOU.
Lyngba ka jingdon kitei ki riew shemphang, ha kane ka sngi la ïatai sani halor shibun ki lad ki lynti ba dei ban pyndonkam lyngba ki kor ki bor ba la tip kum kata ka ‘digital technologies’ kaba long ka jingpynkup bor ïa ki nongshong shnong ha ki jylla Shatei Lam Mihngi ka ri India. Kane ka long ruh kum kawei ka buit treikam ba thymmai ban pyntreikam lyngba kane ka projek ba kyntiew ha baroh ki liang, la ka long ha ka kam rep ka kam riang, ka thaiñ jingthaiñ bad kumjuh ruh kiwei kiwei ki kam kiba pynkup bor ba ki nongshong shnong ka thaiñ shatei Lam Mingi ka ri India kin lah ba ïeng ha la ki jong ki kjat lyngba ki projek bapher bapher ba pyntreikam ha kane ke projek lyngba ka ka Ministry of Electronics and Information Technology (MeitY).
