Na jingkieng Umïam noh ïap u rangbah na Laban, sei ki pulit, ka kynhun SDRF bad F&ES ïa ka met

Nongpoh, Lber 24: Uwei u rangbah na Kench Trace Laban u dkhat noh ïa la ka jingim da kaba noh ïap nalor ka jingkieng Umïam ha ka 23 tarik kaba dei hynnin ka sngi u Blei.
Katkum ka khubor ba la ïoh lum la ïathuh ba utei u rangbah u la kynthih ha ka nohphai sngi ka sngi u Blei ha ka por kumba 2 baje duna eiei hynrei dei haduh mynta ka sngi ba ki pulit ka Ri-Bhoi lem bad ka kynhun State Disaster Response Force (SDRF) bad Fire and Emergency Services kila ïoh ban khwai bad sei noh ïa ka met jong u.
Ïa utei u rangbah la tip kyrteng kum u Pritish Deb na Kench Trace Laban bad u dei ruh u trai jong kawei ka dukan ba die ïa ki tiar elektronik ha Last Stop, Laban.
Na ka liang ki bor pulit ka Ri-Bhoi ki la pyntip ba hadien ba la ïoh sei ïa ka met la pyndep baroh ki jingdonkam katkum ki kyndon aiñ bad ka jingtohkit halor katei ka jingjia ka dang ïaid shakhmat ban lap ïa ka daw tynrai.