Shillong, Nailur, 30: Palat ar spah ngut ki paidbah nongshong shnong jong ka shnong Maweitnam, Mylliem, East Khasi Hills District ki la ïoh jingmyntoi na ka Free Medical Checkup ba la pynlong da ka BJP State Mahila Morcha ha ka 23 tarik mynta u bnai.
Ïa kane ka jingai jingsumar ei sha ki paidbah la ai jingkyrshan da ka ophis jong ka District Health and Medical Officer, East
Khasi Hills ha kaba la sakhi lang da u Rangbah Shnong jong ka shnong Maweitnai u Bah Drain Kharmon, ki nongkitkam jon gka BJP State Mahila Morcha bad ki paidbah.
Ki paidbah na ki saw tylli ki shnong bamarjan ki la pynpaw ka jingsngewkmen bad ka jingsngew nguh ïa ka BJP State Mahila Morcha kaba la pynlong ïa kane ka jingai jingsumar ei kaba la pynmyntoi haduh katta katta ïa ki paidbah kiba wan na ki longing ki longsem kiba kham duna ka ïoh ka kot.
