SHILLONG, ïaïong 03: Ka Apphira Archery Committee ha ryngkat ka jingïatreilang bad ka Hima Nongkhlaw kan pynlong ïa ka ‘Rongbiria ki Hima ka Ri Hynñiewtrep’ kaba Laiphew Ar, mynta ka 04 tarik u ïaïong (sngi lewduh), 2025, ha madan Madan Stadium, Khatsawphra College, Mairang, Hima Nongkhlaw. Kane ka Rongbiria kan sdang naduh ka por 10:30 -11:00 mynstep.
Kane kan dei ruh ka sngi ban kynmaw ïa jingdap 500 snem ka Hima Nongkhlaw (1524-2024), ha kaba u Pa’Daloi Puramon Kynjing, Elaka Daloi Jowai, un long u Kongsan bad u Paiem Kestonbel Manik Syiemlieh, Deputy Syiem ka Hima Nongkhlaw, un long u Symbud Kongsan.
Kumban shu kdew hangne, ka 04 tarik u ïaïong, ka dei sngi kynmaw jong ka jaidbynriew ha ka ban rakhe ïa ka jinglong shynrang mynsiem jong u Paiem Tirot Sing Syiem, ban ïeng pyrshah ïa ka bor jong ki nongwei.
Kane ka long katkum ka kyrwoh na u Rgh D.G. Kharpuri, Secretary jong ka Apphira Archery Committee.
