Mynta ka sngi yn ai khublei khadduh ka MCA ïa ki thei shuwa ban leit Gujarat

0

Shillong, Risaw 03: Ka Meghalaya Cricket Association (MCA) mynta ka sngi ka la pynkhreh ban pynlong ïa ka prokram ban ai khublei bad kitbok kitrwiang ïa ka kynhun jong ki thei ki ban sa mihkhmat ïa ka jylla ha ka lympung lehkai BCCI’s Women’s U-19 One Day Trophy ka ban long ha Gujarat.
ïa kane ka prokram la pynkhreh ban pynlong ha MCA Cricket Ground ha Polo ha ka por 3 baje nohphaisngi.
Kumban shu pynkynmaw, ki thei ïalehkai kiba la shah jied ha kane ka kynhun Meghalaya ki dei napdeng kito kiba la lah ban ïalehkai bha ha kane ka MCA’s U-19 Girls’ Inter District Cricket Tournament kaba dang shu kut shen, bad ka la don ruh ka jingkilanmet na bynta baroh ki player ha Shillong naduh ka 25 tarik u Nailur ban pynkhreh shuwa ban leit aireng ha katei ka lympung sha Gujarat.
Ka thup kyrteng jong ki thei ki ban mihkhmat ïa ka Meghalaya ki long: Dianchidora N Sangma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Kharsyiem, Janicka R Marak, Monica Singh, Emisakani Warjri, Rikmanchi M Sangma, Jayshree Singh, Awesa G Momin, Jaylynn R Marak, Natasha Rabha.
La ïoh ruh ban jied san ngut ki player Standbys lane ki player ban mih bujli lada jia ba mynsaw: Julitha Marak, Sistilin Ryntathiang, Banrikmen Lyngdoh, Marme M Sangma.

Leave A Reply

Your email address will not be published.