SHILLONG, Nailur 27: Ha kane ka Sngi Saitjaiñ (28.09.2024) yn sakhi ïa saw tylli ki kynhun kyrdan Third Division jong ka Shillong Sports Association ki ban ïaknieh rung sha ka wat ïakhun namlahduh jong u snem 2024. Kumba ka paw, ki saw tylli ki kynhun ba dang sah ki long ka Mawryngkneng SC, Mawpat SC, Umpling SC bad ka Tynring SC.
Ka jingïaknieh rung sha ka wat ba khadduh hapdeng kine ki kynhun kan long mynta ka Sngi Saitjait ha kaba tang ar tylli ki lah ban jam sha ka wat ïakhun ba khadduh.
Ha ka por 12 baje mynsngi ka Mawryngkneng SC kan aireng pyrshah ïa ka Mawpat SC, bud sa ka semi final kaba ar ha ka por 3 baje nohphaisngi hapdeng ka Umpling SC pyrshah ïa ka Tynring SC. Baroh ar tylli ki semi final yn pynïalehkai ha SSA Ground, Polo.
