Shillong, Nailur 01: Ki nongïalam jong ka National People’s Party (NPP) kin ïa kynduh lang ha ka Lah Sngi u Blei ha Soso Tham Auditorium, Shillong kum shi bynta ban kynmaw ïa ka lyngkhuh sngi ba la seng ïa kane ka party lane ka NPP Foundation Day.
U Working President jong ka Party Bah Hamletson Dohling u la kyntu ïa ki President bad nongïalam jong ki 36 tylli ki NPP Block ba kin poi lang sha kane ka jingïakynduh lang ka ban sdang naduh ka por 12:30 baje mynsngi.
Ha kane ka sngi yn sa don lang ruh u National President ka Party Conrad K. Sangma uba dei ruh u Myntri Rangbah ka Jylla u ban sa long kum u Kongsan bad u State President jong ka NPP uba dei u Symbud Myntri Rangbah ka Jylla Bah Prestone Tynsong kum u Symbud Kongsan.
