Jowai, Naitung 14: Ka All Jaiñtia Muster Roll Workers & Labour Union, Amlarem Civil Sub-Division Unit, kala pyntip ban pynlong ïa ka Dorbar bah jong ki nongtrei nongsngi (Muster Roll) kiba trei ha ki tnad sorkar bapher bapher jong ka jylla khamtam ïa kito kiba don hapoh ka Amlarem Civil Sub Division, Amlarem WJHD.
Ïa kane ka jingïalang bah yn pynlong ha ka 15/07/2023 ha ka por 11:00 baje mynstep ha Syiem Jingsuk Dorbar Hall, Amlarem.
Halor kane la khot ïa baroh ki nongtrei bylla (Muster roll) hapoh ki tnad sorkar ba kynthup ïa ka PHE, Agriculture, Horticulture, Forest, Soil, Education, PWD (Roads & Building) ba ka tnad Health ba kin wan sha katei ka jingïalang bah.
Ha katei ka sngi yn ïoh ruh ban pyrkhat ïa ki kam ba dang sahteng ha kaba kiwei pat ki tand sorkar kim bym pat lah ban pyntreikam ïa ki jingdawa, nalor ba don ki hukum ka Sorka jylla. Kane ka long katkum ka khubor ba la phah da u General Secretary AJMW&LU, CEC Jowai ma Dapherborn N Suchiang bad u President AJMW&LU – Amlarem Civil Sub Div, Unit Amlarem ma Army Mulat.
