Shillong, Ïaïong 26: U Director of Health Services (MI) barim ka jylla u Dr. Aman War u la mynsaw ha ka janmied jong ka sngi Thohdieng hadien ba u la shah tynrah ha kawei ka arshaka.
Kane ka la jia hajan IGP ha nongbah Shillong ha kaba ka scooty, kaba don u registration number ML05 AB 8948, ka la leit tynrah ïa u Dr. War katba u dang ïaid lyngba na kane ka surok.
Katkum ka jingïathuh, u DHS barim u la mynsaw na ki bynta jong ka khlieh bad la pynkitnoh mardor sha Civil Hospital, Shillong da ki pulit pynïaid kali.
La ïathuh ruh ba ïa u nongñiah jong ka scooty la pynkitlang sha kajuh ka jaka sumar na ka bynta ban leh ïa ka medical checkup.
