Nongpoh, Nailar 28: Uwei u rangbah ha ka rta kaba la 40 snem ei ei u la mynsaw jur hadien ba kawei ka Kali Bolero Pik-up kaba don ïa u number ML 13 A-1479 ka la leit ban tynrah kynsan ïa utei u rangbah bad phet krad ruh na katei ka jaka ha kaba la ïoh bat noh ha Nongpoh Police station.
Kane ka jingjia ka la jia kumba ha ka por 8.45 ei ei mynta ka janmiet, ha kaba katei ka kali Bolero Pik-up ka la leit ban iuh ïa une u rangbah, haduh ba u la mynsaw jur bad kawei ka kjat ka la pra na ka jingshah iuh ha kane ka kali
Ïa une u rangbah u la mynsaw jur na ki bynta ka kjat la rah noh mardor ïa u sha Civil Hospital Nongpoh ban ïoh ïa ka jingsumar. Ki bor pulit ka Nongpoh ruh ki la poi mardor ban ïarap bad ban tohkit halor kane ka jingjia bad ka jingtohkit ka dang ïaid shakhmat.
