Nongpoh, Naitung 20 : Haduh 3 ngut ki briew kynthup 2 ngut ki khyllung kila mynsaw haka jingjia aksiden mynta ka sngi ha Nongpoh, hapdeng ka Maruti car kaba don ïa u number ML 05 K 0723 bad ka Grand Vitara kaba don ïa u Number ML 10 E 2007.
Katei ka jingjia kala jia mynta ka sngi haka por kumba 3 baje eiei, ha kaba ïa katei ka Maruti Car bala ñiah da u Philipson Khongjoh na Downgate bad katei ka Grand Vitara la ñiah da u Bah Samborlang Kurbah na Umran Diary kila ïa tynrah haka por ba katei ka Maruti car ka dang thmu ban phai na shilliang sha shilliang surok bad ha katei ka kali kila don ruh 2 ngut ki khyllung bad ka kmie kiba dang thmu ban leit shim dawai na Bethany Hospital.
Hadien katei ka jingjia aksiden u nongñiah katei ka car u la phet krad na katei ka jaka, bad naka liang ki pulit kila leit mar mar sha katei ka jaka ban pynlong ka jingtohkit bad ïa kitei kiba mynsaw la pynkit noh sha jaka sumar ha Nongpoh.
